جنیوا، 7؍مئی(ایس او نیوز؍ایجنسی)عالمی ادارہ صحت نے کہا کہ 2021کے آخر تک کورونا سے دنیا بھر میں 1.5کروڑ اموات کورونا وائرس کی وبا سے ہوئی ہیں -عالمی ادارہ صحت نے کہا کہ 2021کے آخر تک دنیا بھر میں تقریباً1.5کروڑ اموات کا تعلق براہ راست یا بالواسطہ طور پر کورونا وائرس کی وبا سے ہے-

جمعرات کو جاری کردہ تنظیم کے تخمینے کے مطابق یکم جنوری 2020سے 31دسمبر 2021کے درمیان کووڈ سے اضافی اموات ہوئیں - زیادہ اموات کا تخمینہ لگانے کا مطلب ہے کہ وبا سے پہلے کسی علاقے میں عام طور پر کتنے لوگ مرے تھے، یعنی وہاں عام اموات کی شرح کتنی ہے، اس کے مقابلے میں وبا کے بعد وہاں کے لوگوں کی اموات کا اطلاق ہوتا ہے- اس اعداد و شمار میں وہ لوگ شامل ہیں جن کی موت براہ راست کورونا سے نہیں بلکہ وبا کے اثر سے ہوئی ہے اور جن لوگوں کو علاج کیلئے ہسپتال کی سہولیات میسر نہ ہو سکیں -صحت کی تنظیم نے کہا ہے کہ زیادہ تر اضافی اموات (84فیصد)جنوبی مشرقی ایشیا، یورپ اور امریکہ میں ہوئیں، جب کہ عالمی سطح پر دس ممالک ان اضافی اموات میں سے تقریباً 68فیصد ہیں - درمیانی آمدنی والے ممالک میں 81فیصد اضافی اموات ہوئی ہیں، جب کہ زیادہ آمدنی والے اور کم آمدنی والے ممالک میں بالترتیب 15اور 4فیصد اضافی اموات کا تخمینہ لگایا جاتا ہے -

ادھر ڈبلیو ایچ او نے دعویٰ کیا ہے کہ ہندوستان  میں کووڈ سے 4.7ملین یعنی 47لاکھ اموات ہوئیں - اس پر راہل گاندھی نے کہا تھا کہ سائنس جھوٹ نہیں بولتی، وزیر اعظم نریندر مودی جھوٹ بولتے ہیں -انہوں نے یہ بھی مطالبہ کیا کہ حکومت ان خاندانوں کو مالی امداد فراہم کرے جنہوں نے اپنے پیاروں کو کھو دیا ہے-تمام مرنے والوں کے لواحقین کو 4لاکھ روپے کا لازمی معاوضہ دیا جائے-